ÆæȤÌÚѶ·Ö·Ö²Ê

O Centro de Linguas Modernas da ÆæȤÌÚѶ·Ö·Ö²Ê ofrécelles á comunidade universitaria e ás persoas interesadas maiores de 18 anos os Cursos de catalán, adaptados ao nivel A2 do .

Son dous cursos, de nivel A2.1 e A2.2, con carácter semestral, con cadansúas 50 horas, combinando presencialidade e o traballo autónomo tutelado.

O curso segue a metodoloxía baseada no enfoque comunicativo por tarefas, que procura o desenvolvemento integrado e significativo das diversas destrezas lingüísticas fundamentais.

O obxectivo xeral deste curso é acadar o grao de competencia mínima que lle permita ao alumnado unha comunicación de subsistencia en catalán.

• Introducir nas características básicas do catalán, con especial énfase na fonética máis diferenciada e nos coñecementos léxico-gramaticais fundamentais para levar a cabo actos comunicativos básicos en situacións cotiás.
• Ollar de xeito simultáneo e continuado ao marco sociocultural da lingua.
• Acceder á información e aos recursos precisos para a futura autoaprendizaxe do catalán, tendo en conta o tipo de curso (introdutorio e con posibilidade de non continuación) e mais a dificultade de aprender o idioma fóra do seu dominio lingüístico.

Na avaliación, a nota final do curso distribúese da seguinte maneira:

• Avaliación continua (40% / 50%): Traballo de clase e tarefas / Traballo de clase e intervención oral no A2.1 e no A2.2, respectivamente
• Proba final (60%-50% no A2.1 e A2.2, respectivamente)

Así mesmo, ofrece os cursos de preparación para os exames para obter os certificados de catalán dos niveis intermedio (B) e de suficiencia (C) do Instituto Ramon Llull. Son cursos de 50 horas (20 presenciais e 30 horas de traballo titorizado do alumno/a).

Estes cursos combinan a asistencia ás sesións presenciais, o asesoramento do profesor, a autoformación do estudante e os materiais de autoaprendizaxe. Fundamentalmente trabállase cos modelos das probas e co desenvolvemento das destrezas e estratexias necesarias para aprobar os exames.

Para acreditar os teus coñecementos lingüísticos de catalán tes varias vías na ÆæȤÌÚѶ·Ö·Ö²Ê:

• Aprobar un curso do CLM da ÆæȤÌÚѶ·Ö·Ö²Ê que complete un nivel do MECRL.
• Achegar un título ou diploma que estea recoñecido pola institución diante da que te debas acreditar.
• Presentarte aos exames do Instituto Ramon Llull para os que o CLM é centro examinador en Galicia.

Nos estudos de grao da ÆæȤÌÚѶ·Ö·Ö²Ê poden recoñecerse créditos por competencias transversais, por exemplo, por actividades de formación en linguas.

A realización dos cursos de catalán no CLM dá dereito ao recoñecemento de créditos ECTS nos estudos de grao, desde os 3 ECTS do B1 ata os 6 ECTS do C2.